Monday, March 13, 2017

ಕನ್ನಡ ಪದ್ಯ: ೪

ವಸ್ತು: ಅಂಧ ಅಣ್ಣ ತಂಗಿಯ ಹೋಳಿ
ಛಂದಸ್ಸು: ಪಂಚಮಾತ್ರಾ ಚೌಪದಿ

ಕಣ್ಣಿರದ ಸೋದರಗೆ ಸೋದರಿಯು ಬಗೆದುಂಬಿ
ಬಣ್ಣವನು ಹಚ್ಚುತ್ತ ಮೊಗವ ತುಂಬಿದಳು|
ಕೆನ್ನೆಗಳ ಮಿಡಿತದಲಿ ಭಾವಗಳ ರಂಗಿನೊಳು
ಅಣ್ಣನಾಡಿದ ಹೋಳಿ ತಂಗಿಯೊಲುಮೆಯಲಿ||


ಕನ್ನಡ ಪದ್ಯ: ೩

ವಸ್ತು: ಚಂದ್ರನ ಹೋಳಿ
ಛಂದಸ್ಸು: ಪಂಚಮಾತ್ರಾ ಚೌಪದಿ

ಬೆಳ್ಳಿಯುಡುಪಿನ ಉಡುಪ ಕಂದುಮಚ್ಚೆಯ ಮೊಗದಿ
ಬುವಿಯ ಜೊತೆ ಹೋಳಿಯಾಡುತಿಹನಿಂದು|
ಬೆಳದಿಂಗಳಿನ ಬಣ್ಣವನು ಕಿರಣಗೊಳವೆಯಲಿ
ತುಂಬಿ ತಿರೆಗೆರಚುತ್ತ ಕಂಗೊಳಿಸುತಿಹನು||