ನಾನು ಓದಿದ ಪುಸ್ತಕಗಳು

ಲೇಖಕರು: ಎಸ್ ಎಲ್ ಭೈರಪ್ಪ

1. ಮತದಾನ
2. ನಾಯಿ ನೆರಳು
3. ಕಾವಲು
4. ಉತ್ತರ ಕಾಂಡ
5. ತಬ್ಬಲಿಯು ನೀನಾದೆ ಮಗನೆ
6. ನಿರಾಕರಣ
7. ಆವರಣ
8. ಗೃಹಭಂಗ
9. ದಾಟು

--------------------------------------------------------------------------------------------------------------------------

Author: APJ Kalam

1. Guiding Souls

--------------------------------------------------------------------------------------------------------------------------

ಲೇಖಕರು: ಶತಾವಧಾನಿ ಡಾ ಆರ್ ಗಣೇಶ್

1. ಸರ್ವತಂತ್ರ ಸ್ವತಂತ್ರ
2. ವಾಣೀವಾಹನ

ಬೆಪ್ಪುಬೊಮ್ಮ - ಪದ್ಯ: ೧

ಕೊಚ್ಚೆನೀರನೆ ನೆಕ್ಕಿ ಹೊಟ್ಟೆಯನು ತಣಿಸುತಿದೆ
ಉಚ್ಚನೀಚಗಳ ಪರಿವಿರದ ನಾಯಿ|
ಸ್ವಚ್ಛವೋ ಮಲಿನವೋ ಜೀವಪೋಷಕವಾಗೆ
ತುಚ್ಛವಾವುದೊ ಜಗದಿ - ಬೆಪ್ಪುಬೊಮ್ಮ||

ಕನ್ನಡ ಪದ್ಯ: ೬

ಚಿತ್ರಕ್ಕೆ ಪದ್ಯ:-

ಎಷ್ಟು ಚಂದ ನಿನ್ನ ಮೊಗವು
ನೋಡಲೆರಡು ಕಣ್ಣು ಸಾಲದು|
ನೋಡಿದಷ್ಟು ಮತ್ತೆ ನೋಡೊ
ಸುಂದರಾಂಗ ಮುದ್ದುಕಂದನೇ||

ಓಡಿ ಬಾರೊ ನಮ್ಮ ಮನೆಗೆ
ಬೆಣ್ಣೆ ತಿಂಡಿ ಸಿಹಿಯ ತಿನಿಸುವೆ|
ನಿನ್ನ ಕೆಂಪು ತುಟಿಯು ತಾಕೆ
ಆಯ್ತು ನನ್ನ ಹಣೆಗೆ ಕುಂಕುಮ||

ಹಾಲುಗೆನ್ನೆ ಚೆಲುವ ನೀನು
ಗಲ್ಲ ಹಿಂಡಿ ಮುತ್ತು ಕೊಡುವೆನು|
ಬೇರೆ ಎಲ್ಲು ಹೋಗಬೇಡ
ನನ್ನ ಜೊತೆಯೆ ಇಲ್ಲೆ ವಾಸಿಸು||

ನಿನ್ನ ನೆನಪೆ ನನ್ನ ಮರೆವು
ಒಂದು ಚಣವು ಬಿಡಲು ಕಷ್ಟವೋ|
ನಿತ್ಯ ಕಸವ ಗುಡಿಸಿ ಕರೆವೆ
ಬಂದು ನೆಲೆಸು ಎನ್ನ ಹೃದಯದಿ||

ನಿನ್ನ ಬಣ್ಣ ತಿಳಿಯದೆನಗೆ
ಬಿಳಿಯೊ ಕಪ್ಪೊ ನೀಲವರ್ಣವೋ|
ಏನೆ ಇರಲಿ ನನ್ನ ಮನದ
ಕಪ್ಪು ತೊಳೆದು ಬೆಳಕು ಬೀರು ನೀ||

ಬಟ್ಟೆ ಹಾಸಿ ತೊಟ್ಟಿಲನ್ನು
ತೂಗುತಿರುವೆ ಬಾರೊ ಕೃಷ್ಣನೇ|
ನನಗೆ ನೀನು ನಿನಗೆ ನಾನು
ಮಗುವೆಯಲ್ತೆ ಜಗದ ಮಡಿಲಲಿ||

ನನ್ನ ಕೊಳಲು ಮಾಡಿ ನುಡಿಸು
ನವಿಲು ಗರಿಯ ಜನ್ಮ ಕರುಣಿಸು|
ನಿನ್ನ ಸಂಗ ಬಿಡದೆಯಿರಲು
ಯಾವುದಾದರೇನು ಹಿತವದು||

ಕನ್ನಡ ಪದ್ಯ: ೫

ಚಿತ್ರಕ್ಕೆ ಪದ್ಯ:-

ತೆಂಗಿನ ಗರಿಯನೆ ಉದ್ಧರಣೆಯವೋಲ್
ಆಚಮನಕೆ ರವಿ ಬಳಸಿದನೋ|
ಕಡಲಿಗೆ ಕಿರಣದ ಅರ್ಘ್ಯವ ನೀಡುತ
ಸಂಜೆಯ ಸಂಧ್ಯೆಗೆ ವಂದಿಸಿದ||

ಕನ್ನಡ ಪದಕೋಶ

1. ಹಂದರ = ಚಪ್ಪರ (Pendal)
2. ಒಪ್ಪುಡುಗೆ = Uniform Dress

ಕನ್ನಡ ಪದ್ಯ: ೪

ವಸ್ತು: ಅಂಧ ಅಣ್ಣ ತಂಗಿಯ ಹೋಳಿ
ಛಂದಸ್ಸು: ಪಂಚಮಾತ್ರಾ ಚೌಪದಿ

ಕಣ್ಣಿರದ ಸೋದರಗೆ ಸೋದರಿಯು ಬಗೆದುಂಬಿ
ಬಣ್ಣವನು ಹಚ್ಚುತ್ತ ಮೊಗವ ತುಂಬಿದಳು|
ಕೆನ್ನೆಗಳ ಮಿಡಿತದಲಿ ಭಾವಗಳ ರಂಗಿನೊಳು
ಅಣ್ಣನಾಡಿದ ಹೋಳಿ ತಂಗಿಯೊಲುಮೆಯಲಿ||

ಕನ್ನಡ ಪದ್ಯ: ೩

ವಸ್ತು: ಚಂದ್ರನ ಹೋಳಿ
ಛಂದಸ್ಸು: ಪಂಚಮಾತ್ರಾ ಚೌಪದಿ

ಬೆಳ್ಳಿಯುಡುಪಿನ ಉಡುಪ ಕಂದುಮಚ್ಚೆಯ ಮೊಗದಿ
ಬುವಿಯ ಜೊತೆ ಹೋಳಿಯಾಡುತಿಹನಿಂದು|
ಬೆಳದಿಂಗಳಿನ ಬಣ್ಣವನು ಕಿರಣಗೊಳವೆಯಲಿ
ತುಂಬಿ ತಿರೆಗೆರಚುತ್ತ ಕಂಗೊಳಿಸುತಿಹನು||